Probinsiya sa Sugbo gihatagan og pasidungog sa TESDA
CEBU, Philippines — Gihatagan og pag-ila sa Technical Education and Skills Development Authority (TESDA) ang Probinsiya sa Sugbo tungod sa adbokasiya niini ug kontribusyon sa Technical and Vocational Education and Training (TVET).
Ang probinsya sa Sugbo nakadawat og 2024 Kabalikat Award sa TESDA diin ang plaque gidawat sa Provincial Veterinarian nga si Dr. Mary Rose Vincoy atol sa ika-30 nga founding anniversary nga selebrasyon sa TESDA niadtong Agosto 22, 2024 didto sa World Trade Center, Pasay City.
Ang Kapitolyo nilusad kini og skill trainig program nga gitawag nga Sugbo Kahanas uban sa TESDA diin naghatag kini og technical ug vocational skills training mga Sugboanon sa probinsiya aron mahanas sila ug andam sa panarbaho ug magamit sa panginabuhian.
Nasayran nga matag season sa Sugbo Kahanas mogahin ang Kapitolyo og P100 milyones sukad kini gilusad niadtong tuig 2022.
Sukad sa maong tuig, niabot na sa 11, 600 ang migradwar sa maong training ug nakadawat og national certificates (NC2s) ug starter toolkits ubos sa maong programa. — BDB BANAT NEWS
- Latest
