Namaligyang pekeng razor blades gironda
CEBU, Philippines — Girumbo sa National Bureau of Investigation-National Capital Region ang dili mominos upat ka mga tindahan sa Dakbayan sa Sugbo nga namaligya og counterfeit razor, blades ug uban pang produkto sa usa ka brand tungod sa minilyong balor nga alkanse sa orihinal nga manufacturers sa genuine nga produktong ilang gibaligya.
Nahitabo ang operasyon kagahapon sa buntag adlaw nga Huwebes. Dala ang search warrant gikan sa Regional Trial Court sa National Capital Judicial Region gironda sa grupo ni NBI Special Investigator V Rafael Arcangel Gonzaga ang mga tindahan.
Kini human nidangop kanila ang manufacturer sa orihinal nga produkto ug mireklamo nga mga peke ang gipamaligya sa maong mga tindahan.
Sumala pa ni Gonzaga, gawas nga nakuhaan ang kita sa maong brand, ang maong fake disposable nga shaving products, mga low quality nga daling matay-an nga maoy hinungdan sa mga skin irritation ug risgo sa panglawas.
Usa sa mga manager sa usa sa mga tindahan nga gironda miingon nga wala siya nahibalo nga peke iyang gipamaligya ug wala siya makaila sa suppliers nga ihatud ra man kini sa ila.
Ang original nga produkto sa maong mga razor mapalit sa tag P100 kapin apan ang mga peke gibaligya lang og tag P12.50.
Ang NBI-NCR mopasaka og kasong kalapasan sa Section 155.1 in relation sa section 170 of RA 8293 o Trademark Infringement ang mga tagiya sa tindahan. (BANAT NEWS)
- Latest
