Seguridad sa long weekend
CEBU, Philippines — Gipangandaman sa Police Regional Office(PRO)-7 ang long-weekend ning semanaha sugod karong adlawa hangtud Lunes sunod semana aron pagsigurong luwas ang publiko sa ilang upat ka adlaw nga bakasyon.
Sigon ni Police Lieutenant Colonel Gerard Ace Pelare, tigpamaba ni PRO-7 Regional Director Brigadier General Anthony Aberin nga lahi ang long weekend sa Sugbo.
Gumikan kay karong Domingo, Agosto 25, 2024 mahitabo ang Pasigarbo sa Sugbo 2024 nga ipahigayon sa Cebu City Sports Center. Ang mga nagpuyo sa kalungsuran ug syudad sa Probinsya sa Sugbo moanhi sa Cebu City aron motan-aw sa kalihukan.
Apan duna say moadto sa mga suroyanan sa Cebu Province kay magbakasyon aron makapahimulos sa higayon.
Gipasalig sa PRO-7 ngadto sa publiko nga ilang siguraduhon nga ang mga kriminal dili makakita og oportunidad.
"This is the reminder that was relayed or instructed by Police Brigadier General Anthony Aberin on the occasion of long weekend we must not lower our guards down, we must strategically scatter our security forces not only in Cebu City but in all areas within Central Visayas", sigon ni Lt. Col. Pelare. (BANAT NEWS)
- Latest
