Talisay vet nanghatag og libreng anti-rabies sa kabarangayan

CEBU, Philippines — Ang Talisay City Veterinary Office nanghatag og libre nga anti-rabies vaccination ngadto sa kabarangayan. Usa kini sa ilang programa aron maibanan ang kaso sa rabies sa siyudad.

Ang grupo ni Dr. Christine Hope Dejadena nibisita sa Barangay Lawaan 1 niadtong Huwebes samtang karong adlawa moanha sila sa Barangay Bulacao.Sukad sa buwan sa Enero hangtud karon usa lang ang ilang natala nga kompirmado nga kaso sa rabies.

Apan nasayran nga daghang Talisaynon nga napaakan og iring ug iro ang magpakonsulta.

Gipahinumduman ang mga nagbuhi og iro ug iring nga responsable sa ilang mananap aron dili makahasol ngadto sa uban. Ang pagpabakuna sa mga binuhi nagpakita kini sa pagkaresponsable tag-iya sa mga hayopan. (BANAT NEWS)