Rama ug Daluz nitambong sa meeting

CEBU, Philippines — Si suspended Cebu City Mayor Michael Rama nibutyag nga ang ilang tigom nga gitambongan ni Metropolitan Cebu Water District (MCWD) Chairman Joey Daluz III gikonsiderar nga nahimo “for old time’s sake”.

Niadtong Lunes sa gabii nipahigayon og press conference si Rama diha sa Casino Español diin ang iyang mga supporter nitambong niini lakip ni Acting Vice Mayor Donaldo Hontiveros.

Human sa press conference, si Rama niatubang sa mga tigbalita alang sa pakighinabi diin apil sa nahisgotan mao ang hulagway nga nikatap sa internet niadtong weekend nga nagpakita sa maong panagtigom ang Cebu City chapter president sa Liga ng mga Barangay Franklyn Ong, Hontiveros, ug Daluz.

Sayo pa, si Rama ug Daluz aduna kini mga panagbangi.

Matud ni Rama nga ang maong panagtigom maoy reflection sa iyang relihiyosong pagtuo isip Christian leader.

Ug gipadayag ni Rama ang panultihon nga “the politics will pass, friendship will last”. Iyang gikonsidera nga ang mga nanambong nga iyang mga kauban bisan sa iyang mga kaalyado niadtong sakop pa siya sa Bando Osmeña Pundok Kauswagan (BOPK) lakip na si Daluz.

"Unya pagkahuman na involved sa metamorphosis", ni Rama pa.  Sa iyang bahin, si Daluz nipadayag usab nga nihangop siya sa imbitasyon ni Rama tungod sa ilang panagkuyog kaniadto.

Iyang giangkon nga wala hisgoti atol sa tigom ang mga legal disputes ug panaglalis nilang duha.

Iyang giklaro nga wala sila’y nahimo nga kasabotan o concession bahin sa ilang legal disputes.

"He already addressed me as chairman so maybe he already accepted the fact nga I was really the chairman”, matud ni Daluz.

Matud ni Daluz nga gusto niya nga sa dili pa sila opisyal nga mag-abot sa political arena makonsidera na kini nga “friendly match”.

Gawas kang Rama, si Daluz nipadayag usab og interest nga modagan sa pagka-mayor sa 2025 election.

Nagsugod ang highly publicized nga panagbangi ni Rama ug Daluz dihang gitaktak ni Rama si Daluz ug laing duha ka board members sa MCWD sa ilang mga posisyon niadtong Agosto 17, 2023.

Niadtong Oktubre 31, 2023, nitudlo si Rama og tulo ka bag-ong sakop sa MCWD board nga sila si retired army major general Melquiades  Feliciano isip chairman kauban si Atty. Aristotle “Totol” Batuhan, ug Nelson Yuvallos. Si Daluz nipasaka og kasong kriminal ug administratibong batok kang Rama ug ubang executives sa city hall ngadto sa Office of the Ombudsman Visayas. (BANAT NEWS)