Lima ka garbage trucks gi-clamped, mga kargang basura nanimaho

CEBU, Philippines — Lima ka mga trak sa basura sa Barangay Mabolo sa Dakbayan sa Sugbo ang gipang clamp sa Road Management Authority tungod sa overnight parking daplin sa karsada.

Ang maong mga trak kargado pa og nangalisbo sa baho nga mga basura nga natanggong kay wala mahatod sa labayan tungod kay gi-clamped sa RMA atubangan nga bahin sa Barangay Complex ug haduol ra usab sa mga kabalayan.

Ang nangalisbong wala malabay nga basura gireklamo sa mga residente kay sila maoy nag-antos niini.

Gidugang sa pipila ka mga molopyo sa dapit nga unang gipang clamped ang mga pribadong sakyanan nga nakaparking sa dapit apan, aron patas gilakip pag clamped ang mga barangay vehicles nga naka-parking usab sa daplin sa karsada.

Matud pa sa barangay administrator nga ang dapit nga giparkingan sa mga private vehicles mao unta kadto ang ilang parkinganan sa dump truck.

Hinuon gipahangyo ang barangay nga utangon ang multa nga tag P2,500 kada trak nga na-clamped aron malabay na ang nanimahong basura.

Si Raquel Arce ang pangulo sa CCTO/RMA miingon nga kinahanglan gihapong bayaran sa barangay ang maong multa, kay kun sa sunod nga madakpan pag-usab ang ilang mga trak mapun-an kini. (BANAT NEWS)