Suicide bomber, o biktima?

CEBU, Philippines — Naahat pagsuspenso sa ilang klase ang University of Cebu- Banilad Campus kagahapon, Martes, Agosto 13 gumikan sa usa ka post sa Facebook nga diin ang nag-post nanghulga og pagpamusil ug suicide bombing diha sa maong tunghaan.

Ang bomb threat gi-post sa usa ka Shaleej Alejandra sa Facebook nga nag-ingong adunay mahitabong shooting ug suicide bombing nga mahitabo sa maong tunghaan.

Sa iyahang post, kini nisaysay nga sukad sa iyahang pagkabata wala'y naminaw niya hinungdan nga nihimo siya sa maong suwat kay sa iyang tan-aw mao lang kini ang pamaagi nga paminawon siya.

Gadako matud pa siya nga gi-bully, nabiyaan ug bisan iyang ginikanan matod pa di maminaw niya ug giingong adunay nahitabo niya nga maoy rason sa pagkaguba sa iyang kinabuhi.

"To cut the story short, something terrible happened to me. I knew it was going to happen, I saw it coming. So before it did, I tried to clear out myself in advance in the thought of warning and informing everybody that was close to me about the situation I was in. I knew I was going to be blamed either way but I had a little hope in me. That little hope told me someone was going to listen to me that day and give me trust. Instead, I got the complete opposite of what I have concluded. Everybody started blaming me, every finger was pointed at me, every worst thing possible you could ever imagine to say to a person was being said towards me. And now I am facing the consequences of a problem that I did not and never did have the intention to cause," tipik sa post ni Shaleej Alejandra.

Tungod sa maong post niadto sila sa tunghaan kauban ang mga personnel sa Explosive and Ordnance Division, Regional Anti Cybercrime Unit (RACU)-7, Criminal Investigation and Detection Group (CIDG)-7.

Naghimo og paneling ang EOD personnel diin gisubay nila ang tibuok building aron maklaro ug matan-aw duna bay kadudahan nga butang nga gibilin.

Human sa makuting pagsiksik sa kapulisan, si Police Major Romeo Caacoy Jr., hepe sa Mabolo Police Station 4 miingon nga wala sila'y nakuhana bomba o mga butang nga risgo sa mga tawo sa maong tunghaan.

"Sa pagkakaron on going pa ang investigation ato pang gi identify kinsa gyud ning ang maong nag post kay naa man tay nakita sa Facebook, nag post siya, among nabasa ang post ato pang gi coordinate ang atoang anti-cybercrime unit para mahibaw-an nato kinsa ng nag post," sigon ni Caacoy.

Apan si Candice Gotianuy, Presidente sa University of Cebu mihulagway nga dili kini ang unang higayon nga dunay bomb threats nga nadawat ang tunghaan, apan alang kaniya lahi kini nga sitwasyon karon.

Nakita nila nga ang nag post nanginahanglan og tabang kay wa na kini laing kaduolan. "This is different because it seemed it’s a cry for help, whoever you are if you seem to need help, you do seem to have the incident that happened to you now whoever you are we sympathized with you, we wish your family, we wish your friends and family could have listen to you, could have made you special but not in this way," ni Gotianuy pa.

Samtang si Police Colonel Antonietto Cañete, acting City Director sa Cebu City Police Office miingon nga gi-trace na nila ang nag post ug kun mailhan pasakaan gyud og kaso.

"This is a serious criminal case whenever we file against him and look at it," ni Cañete pa. (BANAT NEWS)