Naboang sa scatter nanglungkab og establisamento
CEBU, Philippines — Nagtingkagol sa holding facility sa kapolisan sa Police Station 1 sa Mandaue City Police Office ang usa ka 27-anyos nga lalaki human kini nanglungkab sa usa ka tiles depot nga nahimutang diha sa may Highway Seno, Barangay Guizo Dakbayan sa Mandaue kagahapon sa kadlawon.
Ang suspetsado nga si alyas “Cliff”, residente sa Lungsod sa Liloan.
Base sa imbestigasyon sa kapolisan nga niagi kini diha sa kisame sa maong balay patigayon sa tinguha nga makadagit bisan P10,000 apan napurnada ang iyang tinguha tungod kay nasakpan kini ug nabawi ang pipila ka kantidad sa kwarta nga iyaha na untang nakuha.
Ang suspetsado nangangkon nga nahimo niya ang maong krimen aron aduna siya’y ikapuhonan sa iyang gikaboangan nga scatter usa ka online nga sugal.
Ang suspetsadog gikatakdang pasakaan og kasong robbery Mandaue City Police Station 1. (BANAT NEWS)
- Latest
