Beat patrol system gibisita sa CCPO
CEBU, Philippines — Gibisita pag-usab sa Cebu City Police Office (CCPO) ang ilahang beat patrol system ug ilang giklaro nga dili tungod kay dili kini epektibo apan gusto lang nila i-re-enforce ang ilang existing beat patrol deployment.
Matud ni Police Lieutenant Colonel Maria Theresa Macatangay, deputy city director for operations sa Cebu City Police Office nga adunay realignment subay sa unsay gikinahanglang tutokan niining mga panahona.
Gipatutokan sa kapolisan ang financial ug banking institutions ingon man ang accommodation establishment ug ang mga dapit nga taas og economic activity ug dagsaon og mga tawo.
Giklaro ni Macatangay nga wala nila kini gihimo gumikan sa nahitabong pagpanulis sa duha ka tindahan og alahas diha sa F. Calderon Street, Barangay Ermita, Siyudad sa Sugbo niadtong Agosto 8, 2024, Huwebes sa buntag.
“Our beat patrols has been there for several years already, we are just revisiting it and re-enforcing it to ensure that we will be able to cover a much wider area of concern”, pasabot ni Macatangay. (BANAT NEWS)
- Latest
