Dunay local boys nga kauban, ganti gihimo ng P200 mil

CEBU, Philippines — Gibutyag sa Special Investigation Task Group (SITG) nga dunay mga Persons of Interest sa nahitabong pagpanulis sa duha ka jewelry stores sa F. Calderon Street, Barangay Ermita, siyudad sa Sugbo nga mga local boys.

Kini ang kalamboan sa imbestigasyon sa kapolisan samtang si Cebu City acting mayor Raymund Alvin Garcia mipahibalo nga pun-an pa niini ang unang tanyag nga P100 mil nga ganti sa tawong makahatag og impormasyon alang sa pagkasikop sa mga tulisan.

Si Police Lieutenant Colonel Maria Theresa Macatangay, tigpamaba sa SITG miangkon nga sa pagkakaron wala pa silay pangalan sa mga POIs.

"Hopefully we can have that those POIs evolve into really named suspects but then it's still a process that we are conducting right now," sigon ni Macatangay.

Nasayran sab nga upat ka getaway vehicles ang gigamit sa mga tulisan.

"There is a four-wheeled vehicles, that we are determining (usa lang?), again this is a complex process the robbery that they conducted is carefully planned base on the pieces of evidence that we have recovered that's why we have trudged along this investigation carefully and prudently with the end in view of identifying the right persons as suspects and build the relevant and strong evidence against them," pasabot ni Macatangay.

Gikataho nga P15 milyones nga balor sa alahas ang nasakiyo sa mga tulisan sa duha ka mga pawnshop.

Giangkon sa kapolisan nga sa pagkakaron tanang impormasyong naa kanila karon pulos pa ipaubos sa balidasyon ug wala pa sab sila masayod kun kanus-a sila makapasaka og kaso.

Nagpasalamat hinuon ang SITG sa suporta sa kagamhanan sa siyudad sa Sugbo ilabi na sa reward nga gitanyag ni Cebu City Acting Mayor Raymond Alvin Garcia.

Matud niya, makatabang kini pagdasig sa publiko nga motabang sa imbestigasyon ug sa pagpangita sa mga tulisan.

Giklaro sab ni Macatangay nga wala'y nahitabong reshuffling sa mga hepe sa CCPO.

Si Garcia mipahibalo kagahapon nga gikan sa P100 mil nga ganti himuon niya kining P200 mil  gikan sa Cebu City LGU ug posibleng modako pa kini tungod daghan ang nitanyag nga moamot para sa dugang ganti sa makahatag og impormasyon nga moresulta sa pagkasikop sa mga tulisan. (BANAT NEWS)