Garcia giawhag nga hatagan og pagtagad ang isyu sa pagdumala sa CHD

CEBU, Philippines — Nanawagan pag-usab si Konsehal Mary Ann de los Santos kang Acting Cebu City Mayor Raymond Alvin Garcia nga hatagan og dinalian nga pagtagad ang mga isyu sa pagdumala sa Cebu City Health Department (CHD) ubos sa leadership ni Dr. Daisy Villa.

“If he will not, ang ako lang fear ani is there will be a crisis already in the city health among the employees, the morale of the employees is very down already, so I am scared that there will be a resignation if Villa will stay”, matud ni de los Santos.

Kini human nipagawas og laing memorandum si Villa kabahin sa off duty entitlement human sa 24 oras nga duty sa mga midwife nga gituohang na-rectify sa una niyang memorandum nga gituohan usab ni de los Santos nga gi-manipulate.

Si de los Santos nagkanayon nga ang pag-isyu ni Villa og laing memorandum usa ka kini ka kalapasan ug ilegal ang unang memorandum.

Ang unang memorandum nga giluwatan ni Villa gipetsahan og Abril 18, 2024.

Kini ang memo nga gipresentar ni de los Santos sa konseho nga mao usab ang unang gihisgotan sa iyang privilege speech.

Nakalatid sa nahiunang memo nga ang mga midwife nga nag-duty sulod sa 24-oras nga wala nakapaanak walay katungod nga mag-off duty sa sunod nga adlaw.

Base sa mga dokumento nga nakuha sa media nabantayan nga adunay laing duha ka memorandum nga giluwatan nga parehong petsa niadtong Agosto 1, 2024 o mga adlaw sa wala pa si de los Santos nihatag sa iyang privilege speech.

Gihatagan usab og gibug-aton ni de los Santos nga ang petsa nahimo nang Agosto 1, 2024, kong gikonsiderar nga ang iyang privilege speech nahitabo niadtong Agosto 7, 2024.

Si de los Santos nagkanayon nga bisan kong kini speculative ang memorandum posibleng gimanipula.

Bisan pa sa pag-rectify sa iyang unang memorandum si de los Santos nagkanayon nga kini nagpabilin nga kalapasan.

Subay niini, gitumbok ni de los Santos ang ikatulo nga paragraph sa memorandum ni Villa diin ang 24 oras nga shift kong dili makapaanak ang midwives mahimong lugwayan ang ilang oras sa duty sa sunod adlaw kung gikinahanglan.

Matud niya nga ang 24-oras nga shift magamit lang kong adunay panginahanglan o usa ka emergency ug dili usa ka standard sa mga healthcare workers.

Dugang ni de los Santos nga dili kini ang sumbanan ug ang palisiya nagkinahanglan lang og walo ka oras nga shift kada adlaw.

“Kanang tawo patrabahoon nimo’g 24 hours, that is already beyond…di na productive ang tawo ana”, ni de los Santos pa. — /BDB (BANAT NEWS)