Lima nasikop sa illegal swertres sa lungsod sa Tabuelan

CEBU, Philippines — Lima ka indibidwal ang nasikop human nasakpan nga nagpahigayon og ilegal swertes didto sa lungsod sa Tabuelan niadtong miaging adlaw.

Ang mga nasikop mao sila si Flordeluna Alferez, coordinator ug iyang mga kauban nga usher nga sila si Crisologo Collarin; Raymond Ortizano; Rosemarie Lapinid ug Lilonell Señoran.

Nasayran gihingusgan sa kapolisan sa Tabuelan ang pagdakop sa mga tawo nga nalambigit sa ilegal nga sugal.

Ang mga operatiba nihimo sa sunod-sunod nga operasyon hinungdan sa pagkasikop sa mga suspetsado.

Samtang sa Dakbayan sa Talisay, nihimo sa ilang programa nga Patrolyang may Malasakit ug ang Oplang Ayaw sa Ligaw na Armas (OPLAN BALA).

Sila si Police Lt. Col. Epream Paguyod, hepe sa kapolisan nisuroy sa Barangay Maghaway og gipakig estoryahan ang mga opisyales sa barangay aron sila makatabang sa kampanya.

Ang grupo sa kapolisan sa Talisay mosuroy unya sa uban nga barangay aron sa pagbisita ug mangayo og tabang alang sa ilang kampanya. — /MEL (BANAT NEWS)