Digital library ilusad sa DOST ug DILG Bohol

CEBU, Philippines — Mipirma og Memorandum of Understanding (MOU) ang DOST-STII, DOST Region VII, ug DILG Bohol sa paglusad sa STARBOOKS, usa ka compact digital library, aron mapalambo ang access sa science ug technology resources.

Ang Science and Technology Academic-Research Based Openly Operated Kiosks o STARBOOKS, ang unang Science and Technology (S&T) Digital Library sa Pilipinas nga anaa sa usa ka kahon nga dili lang compact ug madala apan ma-access usab offline ug walay bayad.

Nagkanayon si DOST Bohol Provincial S&T Director Vina R. Antopina nga adunay kanunay nga gitagana alang sa kalamboan tungod sa nagbag-ong panginahanglan sa mga end users.

Ang pagpirma sa MOU ug pagdeploy sa STARBOOKS mao ang sinugdanan sa padayong pagtambayayong sa DILG ug DOST.

Si DILG Region 7 Regional Director Leocadio T. Trovela, CESO III nipadayag sa iyang pasalamat sa pakig-alayon ug miingon nga ang proyekto nagsilbing usa sa mga pagduso sa knowledge management aron mapalambo ang good governance.

Nakadayeg usab siya sa mga posibilidad sa pag-access sa mga kapuslanan nga mga tinubdan, sama sa mga legal nga opinyon ug mga issuances, bisan walay koneksyon sa internet.

Sa laing bahin, gipasabot ni Information Resources and Analysis Division (IRAD) Division Chief Alan Taule ang dinalian nga teknolohikal nga kalamboan aron masulbad ang mga kakulangan sa impormasyon tali sa mga sektor, sama nalang sa pag-uswag sa mga smartphones nga nagpakita sa usa ka mahinungdanong pag-uswag sa teknolohiya. (BANAT NEWS)