Walo ka gobernador nipirma og manifesto pagsuporta kang Marcos
CEBU, Philippines — Walo ka gobernador sa mga rehiyon sa Visayas ang nipirma og manifesto pagsuporta kang Presidente Ferdinand “Bongbong” Marcos, Jr. ug sa administrasyon niini.
Ang pagpinirmahanay sa maong manifesto maoy usa sa mga highlight sa opening salvo sa ika-455 nga kasumaran sa Probinsiya sa Sugbo kagahapon diin ang importatnteng dinapit mao si Firt Lady Liza Araneta Marcos. “The new era of good governance demands unity to build a progressive nation, strengthen our economy, and secure better future for Filipinos”, tipik sa maong manifesto.
Apil sa mga nipirma mao sila si Iloilo Governor Arthur Defensor, Jr.; Southern Leyte Governor Damian Mercado; Eastern Samar Governor Ben Evardone; Siquijor Governor Jake Villa; Guimaras Governor Joaquin Carlos “JC” Nava; Aklan Governor Jose Enrique Miraflores; Negros Occidental Governor Eugenio Jose “Bong” Lacson; ug Bohol Governor Erico Aristotle Aumentado.
Gawas sa mga gobernador sa reghiyon 6, 7 ug 8 ang mga lokal nga opisyal sa Probinsiya sa Sugbo gikan sa mga kongresista, bokal, mayor hangtud sa asosasyon sa mga barangay pinaagi sa mga lider niini nipirma usab sa maong manifesto.
Si Garcia maoy nihagit sa maong mga gobernador sa ubang probinsiysa sulod sa rehigyon sa Visayas nga ipakita ang “unity” o panaghiusa nga susama sa Sugbo pagsuporta kang Marcos. Iyang gibida ang nahimong panaghiusa sa mga lokal nga opisyal sa Probinsiya sa Sugbo.
“We rose above our own political and personal interest we had an oath to fulfill, to serve our constituents who trusted us, and gave us this mandate to make their lives better. That is how unity is achieved. And that is how unity can continue”, matud ni Garcia.
Si First Lady Marcos mapasalamaton usab sa suporta nga nadawat sa iyang bana gikan sa opisyales sa Sugbo. Apil sa mga kalihokan kagahapon mao ang pagbukas sa usa ka semana nga Tabo sa Kapiotlyo diin ang mga Lungsod ug siyudad nag-display sa mga lokal nga produkto; nagtanom usab og mga punoan sa kahoy nga narra ang First Lady diha sa Capitol grounds ug nagturn-over og mga mobile clinics. (BANAT NEWS)
- Latest
