Programa batok sa ilegal nga panagat pahugtan

CEBU, Philippines — Bag-ong gitudlo nga program director sa Cebu City Bantay Dagat Commission Karlon Rama adunay mga programa nga ipatuman aron sa pagpahugot sa ilang kampaniya batok sa mga mopahigayon sa ilegal nga pagpangisda sa kadagatan sa siyudad. Matud ni Rama ilahang balikon ang waterborne patrols ug pakig-alayon sa ubang mga buhatan ug ahensiya nga nagtutok sa fisheries, anti-illegal fishing operations ug market denial.

Ug mopahigayon usab sila og training ug deputation sa mga fish warden.

Si Rama nagkanayon nga angayan usab nga adunay presensiya sa coast guard sa Pasil Fish Port ug coastal zones ug compliance usab sa I-Fit Monitoring and Evaluation System.

Gipadayag usab ni Rama nga ang ilang buhatan angayan usab nga accessible sa mga mananagat ug sa fishing communities.

Dugang ni Rama nga angaya usab i-establisar ang Marine Protected Area. (BANAT NEWS)