Problema sa baha sa Bonbon nahatagan na og kasulbaran
CEBU, Philippines — Ang Department of Public Works and Highways (DPWH) nagtukod og estraktura kilid sa Mananga River aron mapugngan ang pagbaha sa Barangay Bonbon, Dakbayan sa Sugbo.
Si DPWH OIC-Director Danilo Villa, Jr. ni-update kang DPWH Secretary Manuel Bonoan nga sa wala pa nakompleto ang proyekto ang mga residente sa Barangay Bonbon kanunay’ng nakasinati og grabeng pagbaha diin kutob sa liog ang giladmon sa tubig.
Nakasinati usab sila og landslides, soil erosion ug uban pang mga peligrosong kahimtang nga nagdala og seryosong risgo sa komunidad.
Natubag sa maong proyekto ang dugay na nga problema nga giatubang sa mga residente sa lugar sa dugay nga panahon ilabi na sa natural nga katalagman.
Matud ni DPWH Cebu City District Engineer Ramon Devanadera nga ang proyekto adunay gitas-on nga 771 ka metros ug gilakip ang Z-Type steel sheet piles nga adunay mga gabion ug spill dike nga nagsilbing lig-on nga babag pagpugong sa tubig.
Sa kinatibuk-an .ang nahisgutang proyekto adunay alokasyon nga P86.70 milyones gikan sa General Appropriations Act of 2023. (BANAT NEWS)
- Latest
