Mga kadete sa PNP ania sa Sugbo aron mo-facilitate sa pasulit

CEBU, Philippines — Ania sa Sugbo ang 30 ka kadete sa Philippine National Police Academy (PNPA) alang sa umaabot nga PNPA Cadet Admission Test karong Agosto 4, 2024, adlaw’ng  Domingo diha sa University of Cebu Banilad Campus.

Ang maong PNP cadets naggikan sa nagkalain-laing Probinsiya sa Central Visayas diin sila maoy mo-facilitate sa examination gikan sa alas 9:00 sa buntag hangtud sa alas 12:00 sa udto ug alas 2:00 sa hapon hangtud sa alas 4:00 sa hapon.

Nasayran nga 1,300 ka indibidwal ang nakasulod sa online application ug karong adlaw'ng Sabado, Agosto 3, 2024 modawat sila og 150 ka walk-in application.

Giawhag sa mga kadete ang mga nagtinguha nga mahimong kabahin sa PNP organization nga dili mahadlok nga mosulod sa PNPA.

Giklaro nila nga walay hazing sulod sa academy diin gidili kini ang anaa didto mao ang disciplinary action buot pasabot kining authorized exercises sama sa squat thrusts ug push-ups nga kabahin sa ilang programa aron sila disiplinado ug mahimo nga maayong leader sa nasud sa umaabot nga panahon.

"Kong moingon ta anang hazing wala na siya, no physical contact", pagklaro ni Cadet 1C Makasiae, Djane Alma Nacheros Janipin nga taga Negros Oriental.

Si Police Lieutenant Colonel Gerard Ace Pelare, tigpamaba ni Police Regional Office-7 kinsa nigradwar usab sa PNPA nitataw nga ang academy dili lang training institution apan usa usab kini ka academic institution.

"They put premium in academics, in fact if you fail in two subjects you will be automatically dismiss from the academy that's the reason why they are here because they want to invite those students who are intelligent, who are academically proficient, moadto sila sa laing-laing lugar kay dili man pwede kong dili ka academically proficient mahagbong ka sayang ang slot sa government so that should be emphasized to the public",  matud ni Pelare .

Ug sa labing unang higayon babaye ang regimental commander sa PNPA karon nga taga Cordillera Region pasabot niini siya ang pinakataas nga officer ug mangulo sa cadets corps.

Adunay proseso sa pagpili niini sama sa pagtan-aw sa academics, tactics ug adunay pannel interviewers nga motan-aw kon kinsa ang haom nga mangulo sa cadet corps.  Sa mga walk-in applicants, i-scan lang ang QR code ug i-print ang walk-in application ug sa Agosto 3, 2024 dad-on ang tanang rekisitos nga gikinahanglan alang sa pag-apply aron i-proseso.

Pipila sa mga rekisitos mao ang Filipino born citizen, sa mga lalaki kinahanglan 5'2" ang height, sa babaye 5 flat apan sa dili makaabot sa maong height requirement kinahanglan ipakita ang certification nga ikaw miyembro sa indigenous people.

Dili usab kalimtan ang pagdala og good moral record sa eskwelahan kaniadto, senior high school graduate 18 hangtud sa 22-anyos,  birth certificate ug 2x2 picture. (BANAT NEWS)