PNP Chief Marbel mipahinumdom sa mga sakop di mokumpiyansa
CEBU, Philippines — Gibisita niadtong Miyerkules, Hulyo 31, 2024 ni Philippine National Police(PNP) Chief Police General Rommel Francisco Marbel ang haya ni Police Staff Sergeant Orvin Seth Felicio sa Sacred Heart Chapel sa Barangay Cogon Ramos, siyudad sa Sugbo kagahapon.
Si Police Staff Sergeant Felicio namatay human kini gipusil sa 16-anyos nga batan-ong lalake nga igo ra gibadlong nga papaulion na kay bisan og kadlawon na naa pa kini sa karsada.
Nagkanayon si Police Lieutenant Colonel Gerard Ace Pelare, tigpamaba ni Police Regional Office-7 Regional Director Brigadier General Anthony Aberin nga kini nagpakita nga ang PNP organization nasubo sa hitabo.
Sigon sab ni Pelare nga gawas sa pagpadangat og pahasubo sa pamilya si Marbil mitunol sab og personal assistance sa nabiyaang pamilya.
"There is a set of benefits due to the family aside from the assistance that will be given by PRO-7 and the PNP and part of this is to make sure that the children of Staff Sergeant Felicio will be assisted sa ilahang pag eskwela," sigon ni Pelare.
Gipahinumduman sab ni Marbil ang mga Unit Commanders nga paneguraduhon ang ilang proteksyon sa tanang panahon, ting-duty man o dili.
"The instruction of the Chief PNP has always been clear, he is leaning on making sure that the morale and welfare of our personnel are taken cared of has always been his priority, so iyaha rang gi remind nga during police operations we must be very careful and dili nato kuhaon ang proper mindset bisan pag off duty ta but of course these are the things that we already are aware of when we join the PNP, risk are always part of our job as law enforcers gipahinumduman lang sa atong Chief PNP nga magbinantayon ang tanang police during off duty or on duty," asoy ni Pelare. Naghatag sab og posthumous award ang kapulisan pinaagi sa medalya ng kadakilaan gumikan sa bayanihon nga nahimo niini.
Karong Sabado ihatod sa iyang katapusang kapahulayan si Police Staff Sergeant Felicio. (BANAT NEWS)
- Latest
