Duha nasikop sa managlahing buy-bust operation
CEBU, Philippines — Nadakpan sa Labangon Police Station 10 pinangulohan ni Major Eraño Regidor ang namaligya ug ang tinubdan sa illegal nga drugas sa ilang buy-bust operation sa managlahi nga barangay sa siyudad sa Sugbo.
Alas 10 sa gabii sa adlaw'ng Martes, Hulyo 30, 2024 nagpahigayon sila og buy-bust operation sa A. Lopez Street, Barangay Labangon, siyudad sa Sugbo.
Nadakpan nila si Carlito Villamorte Pampanga, alyas Jun-Jun Barang, 37 anyos, residente sa naasoy nga lugar.
Nakuhaan ang dinakpan og 10.24 grams nga shabu nga mobalor og dul-an P70,000.
Sa impormasyon sa kapolisan ang dinakpan giingong sulod ug gawas na sa prisuhan.
Dihang nakagawas sa prisuhan kay naka plea bargain giingong nibalik na sad kini sa illegal nga kalihukan.
Kagahapon alas 2 sa kadlawon nihimo og follow up operation ang kapolisan nga miresulta sa pagkasikop ni Martchel Labrador Cabalda alyas Mitche diha sa M. Dela Conception Street, Barangay Suba.
Nakuhaan nila kini og 36 gramos sa gituohang shabu nga nagkantidad og P244,000.
Nasayran sa kapolisan nga si Cabalda maoy supplier og illegal nga drugas kang Pampanga diin 100 grams sa shabu ang duwa matud pa sa suspek.
Kasong kalapasan sa Section 5 ug 11, Article II sa Republic Act 9165 ang ipasaka batok sa mga suspek. (BANAT NEWS)
- Latest
