National Charismatic Leaders Conference natapos kagahapon
CEBU, Philippines — Gitak-opan na kagahapon, Domingo, Hulyo 28, ang First National Charismatic Leaders Conference uban sa tema nga "You will be my Witnesses" sulod sa International Eucharistic Congress Convention Center Cebu.
Ang kalihukan gitambongan sa dili mominos 1,200 ka mga participante gikan sa lain-lain nga dapit sa Archdiocese ug Dioceses sa Pilipinas.
Matud pa sa National Coordinator ug Chairman sa Commission on the Laity Fe Mantuhac-Barino, malipayon siya nga ang Sugbo maoy venue sa dagkong kalihukan sa CHARIS Asia-Ocenia Continental Leaders, ug First National Charismatic Leaders Conference ug ang umaabot nga First Charis National Convention unya sa October 4-6, 2024 diha gihapon sa IEC.
Dugang pa ni Barino, aduna silay mga gituki ug pagpangandam usab sa mga dagko pa nila nga kalihukan sa umaabot nga tuig.
Si Archbishop Jose Palma uban sa mga kaparian sa Archdiocese of Cebu maoy nangulo sa Santos nga Misa.
Sumala pa sa arsobispo bisan sa daghang hagit nga giatubang ato gihapon kining mapildi tungod kay gipahinumduman kita nga ang atong kusog gikan sa atong kasingkasing, ang kasingkasing nga ang Ginoo maoy naghikap. (BANAT NEWS)
- Latest
