DepEd: Bisan nasunogan og classroom padayon ang pagbukas sa klase

CEBU, Philippines — Bisan og adunay tulo ka classroom nga nalakip sa sunog niadtong adlaw nga Biyernes sa Sapangdaku Elementary School sa Barangay Sapangdaku, Dakbayan sa Sugbo padayong gihapon ang pagbukas sa klase sa maong eskwelahan karong adlawa.

Kini ang gibutyag ni Dr. Salustiano Jimenez, direktor sa Department of Education Central Visayas.

Matud ni Jimenez nga andam na ang tanan bisan nasunogan ang Sapangdaku Elementary School diin sa iyang pagbisita sa 22 ka lawak saringan adunay tulo niini ang nasunog.

Si Jimenez nagkanayon nga adunay klase karon sa Sapangdaku Elementary School apan ang uban adto usa sila sa gym temporaryong magklase.

Matud usab ni Jimenez nga usa sa ilang gitan-aw nga imbes duha ka shifting ang klase himuon kini nga upat aron ang tanang mga tinun-an makaklase sulod sa classrooms.

Gibutyag ni Jimenez nga tagduha lang sa ka oras ang grade 2 pupils sa buntag ug sunod ang duha ka oras sa grade 4 sa buntag.

Sa pareho nga classroom ang grade 2 sa panghapon ang unang mogamit inig human paniudto sa sulod sa duha ka oras mosunod ang grade 4 sa panghapon na schedule samtang gipaabot nga mahimoan sila og Temporary Learning Spaces.

Sayo pa, nakaandam na unta ang tanang tibuok eskwelahan alang sa 500 ka tinun-an gikan kinder hangtud sa grade 6 ug gani niadtong Biyernes lang natapos ang ilang Brigada Eskwela apan ang kadasig nahulipan og kaguol human tulo sa mga classrooms ang naugdaw  sa nahitabong.

Matud sa mga magtutudlo ang mga importante nga learning materials lang ang nasalbar tungod sa kapaspas ug kakusog sa kayo.

Kagahapon sa hapon ang mga magtutudlo, ginikanan uban sa opisyales sa barangay ang nagpahigayon og inspection sa dapit ug nigama og mga plano aron madayon ang pagbukas sa klase karong adlawa. Ang barangay kapitan sa Sapangdaku Jovie Ladrazo ang makig-alayon sa Electric Utility Provider aron mabalik ang koneksiyon sa kuryente sa tunghaan. (BANAT NEWS)