Mga napalit nga ekipo para sa CCMC wala pa tanan ma-install
CEBU, Philippines — Malaumon ang officer-in-charge sa Cebu City Medical Center (CCMC) nga magamit pa ang P83 milyones nga mga ekipo nga wala magamit human ang uban gibalhin ngadto sa Guba Community Hospital.
Matud pa ni CCMC Officer-in-charge Doctor Peter Mancao sa pakighinabi sa The Freeman/Banat News kagahapon (Domingo), Hulyo 28, 2024, ang labing mahal nga palitunon mao ang MRI Machines nga gibana-banang nagkantidad og di mominos P80 ngadto sa P90 milyones.
Apan nalakip kini sa gi-flag down sa Commission on Audit (COA) kay gikn kini sa kapin sa P83.609 milyones nga pundong wa magamit sa nagkadaiyang ekipo para sa CCMC.
Naghatag usab ang COA sa mga petsa sa pagpadala nga nagpakita nga kini gipalit, gihatud, ug nadawat sa siyudadlungsod sa mga tuig 2020 ug 20221.
Gipasabot usab nila nga niadtong Marso 14, 2024, ang Audit Team nipahigayon og onsite inspection sa CCMC building.
"And observed that there were pieces of equipment which are still unutilized. In response to our letter, the Stock Officer of CCMC submitted a report containing the list of unutilized equipment as of March 31, 2024,” kini nagkanayon.
Si Mancao miingon nga ang mga MRI machines bag-o lang na-install sa tambalanan. Siya mipasabot nga atol sa site inspection sa COA ang mga MRI machine anaa pa sa testing phase niadto.
Ang report sa COA nagkanayon nga lakip sa maong mga butang nga wala magamit ug gi-stocked sa CCMC kaniadtong Disyembre 31, 2023, mao ang Delivery Room Light, Anesthesia Machine, Infant Incubators, Harmonic Instrument Set Medtronic, Digital Radio Fluoroscopy System, Dental X-ray machine, Delivery Room table, Autoclave machine ug Patient Mobility lifter.
Sama sa giingon ni acting Cebu City Mayor Raymond Alvin Garcia nga ang non-utilization mahimong tungod sa pagkalangay sa pagtukod sa tambalanan.
Si Mancao midugang nga ang ubang mga ekipo gituyo alang sa Operating Room nga apil sa mga pending ang konstruksyon.
Dugang pa ni Mancao nga ang ubang mga ekipo mahimong magamit sa Guba Community Hospital nga gikatakdang ablihan karong adlawa, Hulyo 29, 2024.
Hinuon giangkon ni Mancao nga wala siya kabalo sa specifics niining mga butanga sanglit dili pa siya ang OIC atol sa procurement stage.
Hinuon giangkon ni Mancao nga ang nahitabo usa ka leksyon nga nakat-unan nga dili unahon ang tanan sa pag procure sa dili pa matino ang pagkompleto. (BANAT NEWS)
- Latest
