Pag-ayo sa SCR Tunnel gisugdan

CEBU, Philippines — Gisugdan na ang pagtrabaho sa South Coastal Road nga lutsanan padung sa South Road Property (SRP) sa Cebu City kagahapon.

Mao kini ang unang adlaw sa unom ngadto sa walo ka buwan nga pagtrabaho sa nabantayan nga nangliki nga tunnel ug ang linya sa kuryenti.

Mga alas 9 pasado usa ka lane paingon sa habagatan ang gisira samtang giplastada ang scaffolding.

Usa ka lane lang sa tunnel ang nagamit sa karsada paingon sa habagatan samtang ang lane paingon sa Syudad wala pa kini gisira.

Naobserbahan nga wala pay problema sa dagan sa trapiko sa siyudad sa Sugbu ug sa Talisay tungod niini. Una niini, gipangandaman kini sa Dakbayan sa Talisay tungod sa kabalaka nga taas ang kutay unya sa mga sakyanan.

Ang sakop sa City of Talisay-Traffic Operation Development Authority (CT-TODA) makita na unya sa utlanan sa Talisay ug Syudad sa Sugbo aron motabang sa pagmonitor sa dagan sa trapiko. (BANAT NEWS)