CDRRMO sa Talisay nagbutang og color marking sa kasapaan
CEBU, Philippines — Nagbutang og color marking ang Talisay City Disaster Risk Reduction and Management Office diha sa kasapaan karon nga nagsige na og uwan.
Si Alvin Santillana, pangulo sa CDRRMO nibutyag nga usa kini ka paagi sa early warning sa mga nagpuyo sa dapit kong kanus-a sila mohikling sa ilang pinuy-anan.
Ang color marking adunay mga pasabot sama sa color green nga naa pa kini sa normal ang gitas-on sa tubig.
Ang color yellow nagpasabot nga nisaka na ang tubig ug ang color red nagkinahanglan na kini nga mohikling.
Una nilang gibutangan og color marking ang Barangay Lawaan 2 nga naapil sa kutay sa Mananga River. Dihang nibunok ang kusog nga uwan niadtong Lunes anaa na sila sa yellow warning.
Nagkanayon si Santillana nga wala sila mo dili sa mga motorista nga moagi sa bukiran nga barangay ilabi na sa panahon nga mag-uwan apan ilang pahimangno nga kong mag-uwan likayan lang sa pag-agi sa lugar.
Gituhoan nga ang magtiayon nga natagak sa pang-pang sa nilabay’ng mga semana nisuway kini sa paglihay sa mga bato nga natagak sa bungtod nga bahin hinungdan nga nilahos sa lawom nga bahin. (BANAT NEWS)
- Latest
