Tocmo gihandum sa iyang pamilya

CEBU, Philippines —  Usa ka tuig na ang nakalabay human sa brutal nga kamatayon ni Rhea Mae Tocmo apan pamilya niini ang padayon gihapon nakigbisog sa kaso.

Sa post sa maguwang niini nga si Rochie Poblacion uban sa ilang mga kabanay ang nitimaan sa unang tuig sa brutal nga kamatayon ni Rhea pinaagi sa pagbisita sa lubnganan niini.

Si Rhea gipatay kini ug ang patay’ng lawas gisulod sa karton ug nakit-an diha daplin sa karsada sa Barangay Tisa, Dakbayan sa Sugbo.

Si Rhea19-anyos pa ang panuigon dihang nianhi sa Sugbo aron manarbaho ug  makatabang sa iyang pamilya.

Sa post sa maguwang ni Rhea diha sa social media nipadayag kini nga ang trahediya nga nahitabo sa iyang manghud presko pa kaayo sa ilang panunduman.

Ug gimingaw na kaayo siya sa iyang pinalangga nga manghud ug naglaom sila nga duyogan sila sa kaso nga padayon pa gihapon nilang gipakigbisogan.

Nanghinaot ang pamilya ni Tocmo nga makabaton sila og hustisya ang naulahi sa kamatayon niini. (BANAT NEWS)