NFA misiguro nga dunay bugas panahon sa kalamidad
CEBU, Philippines — Gipaniguro sa National Food Authority NFA nga dili magkuwang ang bugas nga ipanghatag panahon sa kalamidad ug emerhensya.
Gitug-an ni Olma Marie Nedia, ang tigpamaba sa National Food Authority nga ang Department of Social Welfare and Development Visayas Disaster Resources Center VII ni-withdraw na og tres mil ka sakong bugas sa bodega sa NFA.
Suma pa ni Nedia, ang DSWD-7 usa sa mga recipients sa Rice Distribution Program sa ilang buhatan aron sa pagpalambo sa mga emergency response niini.
Gikan sa Enero hangtud karong Hulyo 2024 miabot na ngadto sa 14mil ka sakong bugas ang gi-withdraw sa DSWD-7 sa bodega sa NFA.
Ang Distribution Program usa ka hiniusang paningkamot sa mga ahensya sa gobierno aron masiguro nga adunay pagkaon sa panahon sa katalagman ug kalamidad.
Gikan sa adlaw nga Sabado hangtud niadtong Miyerkules Hulyo 17, 2024 ang DSWD naka withdraw og 3mil ka sakong bugas sa bodega sa National Food Authority.
Ang maong ayuda nalakip sa Family Food Packs nga ipanghatag sa buhatan sa DSWD panahon sa emerhensya. (BANAT NEWS)
- Latest
