VP Duterte nangu sa pagbukas sa National Brigada Eskwela
![VP Duterte nangu sa pagbukas sa National Brigada Eskwela](https://media.philstar.com/photos/2024/07/18/1_2024-07-18_00-43-14.jpg)
CEBU, Philippines — Vice President ug outgoing Department of Education Sec. Sara Duterte maoy nangulo sa gipahigayon nga kick-off ug launching sa National Brigada Eskwela didto sa lungsod sa Carmen Cebu, kagahapon sa buntag, Hulyo 17, 2024.
Atol sa mensahe ni Duterte mapasalamaton kini sa tanang magtutudlo sa nasud sa ilang kakugi nga gihimo para sa edukusayon sa kabataan.
Sumala pa sa bise presidente nga usa sa iyang kamingawan sa DepEd mao ang dinalian nga paglihok niini sa higayon nga adunay mga programa o proyekto nga kinahanglan nga buhaton.
Dugang pa ni Duterte dali ra kaayo malihok sa mga magtutudlo ang mga proyekto tungod sa ilang kakugi ug sa ilang gugma sa trabaho.
Mapasalamaton usab kini sa mga magtutudlo tungod sa wala nila pagbiya sa kabataang Pinoy.
Ang pagbisita ni Duterte sa lungsod gihangop ug gikalipay usab kini ni Carmen mayor Carlo Villamor nga usa ang ilang dapit nga napili sa maong dakong kalihukan.
Ang pagka Secretary of Education ni Duterte matapos kini karong adlaw nga Biyernes Hulyo 19, 2024. Samtang ang mga billeting quarter sa dakbayan sa Sugbo nga gigamit sa Palarong Pambansa ang hingpit na usab nga gihawanan nonot sa pagsugod na sa Brigada Eskwela sa mga tunghaan. (BANAT NEWS)
- Latest