Bantay Peste Brigade gipalig-on sa Department of Agriculture

CEBU, Philippines — Gipalig-on sa Department of Agriculture Central Visayas ang ilang mga Bantay Peste Volunteer Brigade sa tibuok rehiyon 7.

Gibansay-bansay sa DA-7 ang mga mag-uuma sa Central Visayas aron himoon nga Bantay Peste Brigade

Ang pangu sa Regional Crop Protection Center, Dr. Bienvenido Acabal Jr nibutyag nga ang pagbansay-bansay sa mga mag-uuma pinaagi sa lokal nga kagamhanan gitumong aron kini makatabang sa ilang mga lugar ilabi na kadtong adunay mga kasinatian sa pagpangataki sa peste.

Sumala pa ni Acabal, pinaagi sa Bantay Pest Brigade kung adunay mga pagpangataki sa peste dali nalang unya kini nga maatiman ug dili na makakatap ngadto sa mga umahan.

Ang mga mag-uuma gitudloan sa klase-klase sa mga insect nga naa sa ilang umahan alang sa ilang mga kasayuran sa pag-ila sa mga peste.

Ang DA-7 regular nga magpadala og mga pest advisories ngadto sa mga Municipal Agricultural Offices sa Central Visayas aron aduna silay kasayuran kung unsa nga klase sa peste ang moataki sa ilang mga umahan. (BANAT NEWS)