VECO moumento og P3.56/KWH sa bayranan sa kuryente

CEBU, Philippines — Tungod sa pagsaka sa presyo sa kuryente sa Wholesale Electricity Spot Market (WESM), ang mga konsumidor sa Visayan Electric makasinati og pag-usbaw nga P3.56/kWh alang sa bayranan niini sa Hulyo ngadto sa Agosto.

Kini nagpasabot nga ang mga konsumidor nga makagamit og 200 kWh matag buwan kay makatagamtam og additional charge nga P712 sa sunod nila nga bayranan.

Dugang rason sa pag-usbaw sa bayranan sa kuryente kay ang nadugang nga ikaduhang installment sa gianam-anam nga bayranan niini ngadto sa WESM sa buwan sa Mayo.

Kahinumdoman nga sa niaging buwan, ang Energy Regulatory Commission (ERC)  nipagawas og Order 2024-01MC, nga nag-implementar sa upat ka buwan nga staggered payment kun data data nga bayad alang sa gipalit nga kuryente sa Visayan Electric gikan sa WESM niadtong Mayo nga niresulta sa niubos nga bayranan sa Hunyo ngadto sa Hulyo.

"This 4-month staggered payment ordered by the ERC, which started last month, will continue until the September- October billing cycle, so it's crucial for us to be mindful of our power usage to lessen its impact,"suma pa sa presidente ug COO sa Visayan Electric nga si Raul Lucero.

Sa laing bahin, samtang natagamtaman ang maulanon nga panahon, kinahanglan nga hatagan og prayoridad ang luwas nga pagamit sa kuryente ilabi na sa area nga kanunay bahaon.

Gipahinumdoman usab ang katawhan nga pagngon ang mga breakers kun mosaka ang level sa tubig, o ba kaha mobakwit sa area. (BANAT NEWS)