Learners` Convergence Philippines 2024 gitambongan ni VP Duterte

CEBU, Philippines — Gipangulohan sa pagtambong ni Bise Presidente ug Education Secretary Sara Duterte ang gihimo nga Learners' Convergence Philippines 2024. 

Ang opening program ug Booth Festival gipahigayon sa Hoops Dome sa Barangay Gun-ob sa Siyudad sa Lapu-Lapu niadtong Lunes sa buntag Hulyo 9.                       

Giapilan kini sa 228 ka mga school division gikan usab sa 17 ka mga rehiyon lukop nasud.

Kauban usab sa pagtambong sa maong kalihokan ang mga magtutudlo sa nagkadaiyang tulunghaan ug mga ginikanan.        

Si Vice President Duterte mipadayag sa iyang pasalamat ngadto sa local nga kagamhanan sa dakbayan sa Lapu-Lapu tungod sa ilang suporta sa National Learning Convergence ug sa nagkalain-laing kalihukan sa Department of Education (DepEd).

Lakip sa iyang gihimug-atan ang mga kalihukan sama sa National Schools Press Conference, National Festival of Talents, ug ang Palarong Pambansa, lakip na ang paghatag og importansya sa pagpalambo sa edukasyon pinaagi sa Matatag Curriculum and Catch-up Fridays.

“Nagpapasalamat kami sa Lapu-Lapu City at sa lahat ng lokal na pamahalaan ng Isla ng Cebu sa kanilang tulong, suporta, at pagtitiwala sa Department of Education,” suma pa sa bise presidente

Si Lapu-Lapu City Mayor Junard "Ahong" Chan sa iyang mensahe mipadayag sa kusganong pagsuporta sa kalihokan ug iyang gipasalamatan si Presidente Duterte sa pagpili sa siyudad sa Lapu-Lapu sa pagpahigayon sa national gathering.

Dugang pa ni Chan nga ang pagpili sa dakbayan isip host sa maong kalihokan maoy paghatag usab og kahigayonan nga mapakita nila ang mga maanindot nga mga lugar sa dakbayan. MEL BANAT NEWS