Usa naangol sa sunog sa brgy Maguikay siyudad sa Mandaue

CEBU, Philippines — Usa ang naangol sa sunog nga niulbo sa may V. Albans Street Sudlon, Barangay Maguikay Mandaue City, kagahapon sa alas 9:00 pasado sa buntag Lunes, Hulyo 8, 2024.

Ang sunog naglambigit ug usa ka unit nga two-storey residential house.

Nakontrolar ang kayo alas 9:43 ug hingpit nga napawong ang sunog alas 10:00 sa buntag ug gibana-bana nga moabot ngadto sa P10mil ang danyos.

Walay gikataho nga nakalas sa maong sunog apan adunay natala nga usa ang angol nga usa ka 40anyos nga ginang kinsa nakaangkon og 1st degree burn sa iyang tuo nga bahin sa abaga.

Ang kabomberohan nga gipangulohan sa Ground Commander Supt. Arnel Abella uban sa iyang fire investigators SFO2 Filward Morales mohimo pa sa ilang imbestigasyon may kalabutan sa hinungdan sa pag-ulbo sa maong sunog. (BANAT NEWS)