Canyoneering ug kawasan falls sa badian gisirad-an

CEBU, Philippines — Badian Canyoneering ug Kawasan Falls sa lungsod sa Badian temporaryo lang usa nga gisirad-an adlaw nga Miyerkules Hulyo 3, 2024.

Tungod sa bag-o nga pagtaas sa lebel sa tubig ug kusog nga sulog, ang Badian Canyoneering ug Kawasan Falls kay kasamtangan usa nga gisirado.

Kini pinaagi sa pagpahibalo sa Public Information Page sa Badian. Ang Local Government Unit, nitan-aw sa kaluwasan sa mga bisita ug kawani, hinungdan nga gihimo ang desisyon aron malikayan ang bisan unsang posibleng aksidente o kadaot.

Ang mga opisyal sa lungsod nangayo og pasaylo alang sa bisan unsang kahasol nga mahimo sa pagpasira sa kalihukan ug gipasalamatan ang pagsabot ug kooperasyon sa katawhan.

Ang LGU hugot nga nagbantay sa sitwasyon sa maong dapit ug mopagawas ra usab unya sila ug pamahayag kung luwas nang ipadayon ang maong kalihukan. (BANAT NEWS)