Chan mitudlo sa pangu sa CLOSAP nga mahimong OIC tourism officer

CEBU, Philippines — Gitudlo ni Lapu-Lapu City mayor Junard Ahong Chan ang pangulo sa City of Lapu-lapu Office on Substance Abuse Prevention Chief Garry Lao, isip OIC-Tourism Officer sa siyudad.

Matud pa ni Lao, dako kaayo niyang dungog nga gitudlo isip pangulo sa tourism office ug mapasalamaton siya sa pagsalig nga gihatag kaniya sa mayor.

Nagkanayon si Lao, aduna siyay six-point agenda isip OIC-Tourism Officer nga giduso ngadto sa mayor ug kang Kongresista Cindi King Chan.

Ang maong agenda naglangkob sa rebranding, tungod kay ang historic city wala kini nagrepresentar kung unsa ang Lapu-Lapu karon.

Maghimo usab siya og promotional videos nga nagpakita sa kaanindot sa Lapu-Lapu; Tourism Book nga nagpakita dili lang ang hotel lakip usab ang mga nindot nga isla ug produkto; aduna city-led tourism packages; Increase awareness; ug Barangay Tourism Workshop.

Gipadayag usab ni lao nga sa pagkakaron tanan nga mga kalihukan iyaha lang usa nga gipanghan-ay subay sa buhatan sa City Tourism Office. (BANAT NEWS)