Mga mag-uuma padayong nakadawat og ayuda sa siyudad

CEBU, Philippines — Acting Cebu City mayor Raymond Alvin Garcia padayon nga naghatag og bugas sa mga mag-uuma sa mga bukirang barangay sa dakbayan nga apektado sa nahitabong huwaw sa nilabay nga mga bulan.

Padayon ang pagbista ni Garcia sa kabukiran sa siyudad aron mag-apod-apod ug sinako nga bugas ug kagamitan sa pagpanguma ngadto sa napili nga mga beneficiary.

Niadtong Sabado gibisita ni Garcia ang mga barangay nga naglakip sa Budlaan, Guba, Sibugay, Pung-ol ug Malubog.

Atol sa pakighinabi sa acting mayor gipadayag niini ang kamahinungdanon sa mga mag-uuma gumikan kay pinaagi sa ilang kahago adunay pagkaon ang matag usa kanato. 

Nasayran si Garcia niaapod-apod usab ug financial assistance sa kabarangayan sa nilabay nga semana aron pundohan ang nagkadaiyang proyekto sa barangay. (BANAT NEWS)