Duha patay sa pagpamusil

CEBU, Philippines — Duha ka mga tawo ang nakalas sa managlahing insidente sa pagpamusil Dakbayan sa Lapu-Lapu ug Dakbayan sa Talisay niadtong Miyerkules sa gabii.

Sa pagpamusil nga nahitabo sa Sitio Acacia, Barangay Bangcal, Siyudad sa Lapu-Lapu, Cebu pasado alas-2 sa kaadlawon, niadtong Hunyo 26, 2024.

Giila ang biktima nga si Josae Mulde, construction worker, lumad nga taga Siyudad sa Bogo ug kasamtangang nagpuyo sa maong lugar diin kini nagtrabaho.

Ang kainom niini nga gipasanginlang maoy nagpusil kaniya mao si Dave Felicilda Tejada, 20, usa ka e-bike driver ug residente sa naasoy nga lugar ug kainom ra sa biktima niadtong tungora.

Matud pa sa imbestigador nga si Police Staff Sergeant Anthony Piencenaves nga ang biktima naigo sa buko-buko nga maoy nakaingon sa kamatayon niini.

Sa inisyal nga imbestigasyon sa Lapu-Lapu Police Station 5 giingon nga ang biktima ug ang suspek nag-inom sa dihang duna silay nahisgutan nga ilahang gilalisan mao nga nipauli og una ang biktima apan gikatahong gisundan kini sa suspek ug gipusil samtang nagtalikod.

Dali nga miresponde ang kapulisan sa Lapu-lapu Police Station 5 ug gidala ang biktima sa tambalanan sa Carajay District Hospital.

Buhi pa kini nga gidala ngadto mga alas 2 pasado sa kaadlawn apan gibawian kini sa iyang kinabuhi pasado alas singko sa kabuntagon.

Matud pa ni Police Staff Sergeant Piencenaves mitahan sa kaugalingon ang suspek ug gikatakda kining pasakaan og kasong murder. Ang suspek nangangkon nga gibaharan siya sa biktima mao nga iyahang nabuhat ang krimen.

Samtang sa Purok Sentro, Sitio Kawayanan, Barangay Lagtang sa dakbayan sa Talisay  niana gihapong gabhiuna, gipusil patay ang usa ka Boy Echavez alias “Eboy”, 28, samtang kini natulog sa barong-barong tupad sa usa ka tindahan sa lugar.

Base sa inisyal nga imbestigasyon sa kapulisan sa City of Talisay Police Station, adunay lima ka wala mailhing mga tawo nga niduol sa barong-barong nga nahimutangan sa biktima.

Ang duha niini ang miduol sa biktima samtang ang tulo gikatahong nagsilbing lookout. Diha-diha dayon gipusil ang biktima tulo ka higayon diha sa ulo ug sa ubang bahin sa iyang lawas gamit ang wala matino nga kalibre sa armas.

Matud ni Police Lieutenant Colonel Epream G. Paguyod, hepe sa City of Talisay Police Station, ilaha pang gisuta unsa ang kung unsay motibo sa pagpamusil aron masayran kun kinsa ang mga mamumuno.

“Syempre kailangan nating bigyan hustisya ang ating biktima. I'll give order to our investigators pati mga operatiba natin to track down those persons of interest,” sigon ni Paguyod. —John Mark Dejito ug Irish L. Laborte, CNU ug PIT-Interns/IBM BANAT NEWS