Libreng wi-fi sa siyudad sa Mandaue hayan mapahimuslan na
CEBU, Philippines — Gipangtaud na ang mga koneksyon alang sa libreng wi-fi sa dakbayan sa Mandaue nonot sa gipatuman nga programa aron dali nga maka access ang katawhan sa mga buhatan sa gobyerno.
Si Mandaue City mayor Jonas Cortes mipahibawo sa pagtaud na sa libreng Wi-Fi sa mga pinili nga lugar sa siyudad sa Mandaue atol sa "Istorya ta Bai: A Move for Good Governance and Transparency Forum" niadtong Martes Hunyo 25, 2024.
Ang siyudad nakig partner sa Craft Shack Inc. ug sa ARTBI Global Philippine Corporation, nonot sa tinguha niini nga paghatag og free WiFi sa open spaces sa mga buhatan sa gobyerno.
Suma pa ni Architect Marlou Ocleasa sa City Planning Office nga nakapanaud na og connection alang sa Free Wi-fi program ang Craft Shack Inc. ug mosunod sa pagtaud sa mga connection mao ang ARTB Global Philippines Corporation.
Lakip sa mga lugar nga tauran sa libreng wi-fi mao ang merkado publiko, office of building official OBO, city hall, city college, city engineers Office ug uban pa.
Si mayor Cortes mipirma usab og Memorandum of Understanding MOU uban sa Synetcom Philippines, nonot sa tinguha sa siyudad nga ma instalar ang free WiFi sa 500 ka sites diha sa siyudad sa ikaduhang semana sa buwan sa Hulyo. (BANAT NEWS)
- Latest
