Bastos nga Papuan gipadakop

CEBU, Philippines — Usa ka 36 anyos nga Papuan ang gipadakop tungod matud pa nag trespassing ug nagbinastos diha sa Sitio Cadahuan, Barangay Talamban, siyudad sa Sugbo sa miaging adlaw.

Ang dinakpan, usa ka civil engineering nga estudyante sa usa nga unibersidad sa siyudad sa Sugbo samtang ang biktima 35 anyos nga lalake nga usa BPO Manager, ang duha pulos residente sa naasoy nga lugar. Sa inisyal nga imbestigasyon sa Police Station 8 sa Cebu City Police Office (CCPO) ang suspek unom ka higayon nga nang stalk sa biktima.

Giingong kanunay magpaabot ang suspek sa biktima gikan sa trabaho diha sa hagdanan.

Apan sa miaging adlaw, ang suspek nisulod sa giabangang kwarto sa biktima nga wala'y pagtugot niya.  Giduol matud pa sa suspek ang biktima ug miingon nga ganahan siya kaniya dayon gikuha ang kamot, gihikap ang totoy ug misuway pag halok sa nawong hinungdan nga midangop sa kapolisan ang reklamante.

Gipasakaan na og kasong trespassing ug acts of lasciviousness ang suspetsado. – IBM BANAT NEWS