Pawnshop, cellshop  sud sa mall gilungkab

CEBU, Philippines — Dul-an sa P5 milyones nga balor sa alahas, cellphone ug accessories ang gituohang gikawat gikan sa usa ka pawnshop ug tindahan og cellphone sa sulod sa usa ka dakong tindahan sa Barangay Poblacion, Danao City.

Alas 7:15 kagahapon sa buntag ang Danao City Police Station nakadawat og tawag gikan sa security officer sa usa ka dako nga inilang tindahan nga sila gikawatan. Sa inisyal nga imbestigasyon sa Danao City Police Station nakita nga nakasulod ang mga kawatan pinaagi sa pagbangag sa likod nga bahin sa tindahan.

Gikuha ang mga alahas, cellular phones ug kwarta.  Nabilin pa sa dapit ang mga gamit sama crowbar ug jack nga gituohang maoy gigamit sa mga wala mailhing mga kawatan. Ang jewelry shop nakuhaan og P4.5 million nga balor sa alahas ug kwarta samtang P170, 000 ang nawala sa tindahan og cellphone. Padayon pa ang imbestigasyon sa Danao City Police Station sa maong hitabo. (BANAT NEWS)