1,621 ka beneficiaries ang nakapahimulos sa AKAP

CEBU, Philippines — Mokabat sa 1,621 ka mga beneficiary ang nakapahimulos sa Ayuda Para sa Kapus ang Kita program (AKAP) sa siyudad sa Mandaue diin ilang nadawat ang P5,000 nga pinansiyal nga ayuda.

Gipaagi kini sa buhatan ni Kongresista Emmarie "Lollypop” Ouano-Dizon nga gihimo niadtong miaging adlaw ang pag-apod diha sa gym sa Barangay Subangdaku sa Siyudad sa Mandaue.

Si Kongresista Ouano-Dizon uban sa mga personnel sa Department of Social Welfare and Development (DSWD) ang nangulo sa pag apod apod sa ayuda nga gitambongan usab sa pipila ka mga sakop sa konseho ug mga barangay official.

Naglakip sa mga beneficiary mao ang mga solo parent, fisherfolk, vendors ug uban pa nga kuwang kaayo ang ilang kita sa matag adlaw nilang panginahanglan.

Gihangop sa mga benepisyaryo ang ilang nadawat nga financial assistance nga matud pa daku og matabang sa ilang gastohan sa matag adlaw. (BANAT NEWS)