P3.4M shabu nasakmit sa kapolisan sa Cebu City
CEBU, Philippines — Niabot sa P3.4 million nga balor sa ilegal nga drugas ang nasakmit sa operasyon sa Regional Police Drug Enforcement Unit(RPDEU) sa Police Regional Office(PRO)-7 ug Police Station 7 sa Cebu City Police Office(CCPO) sa managlahi nga lugar sa siyudad sa Sugbo Lunes sa gabii, Hunyo 17 ug Martes sa buntag, Hunyo 18, 2024.
Unang nadakpan sa RPDEU-7 ang e-bike driver nga si alyas Demot, 33 anyos, residente sa 150 Spolarium Street, Barangay Duljo Fatima, siyudad sa Sugbo. Nakuhaan kini og 300 grams sa gituohang shabu nga nagkantidad og kapin P2 million.
Usa ka semana nga gipanid-an ang suspetsado ug nasuta nga maka dispose kini og 500 gramo nga shabu kada semana ug ang area of operation mao ang Mambaling ug Duljo Fatima.
Samtang ang Police Station 7 sa Cebu City Police Office nakadakop nila ni alyas Melo ug alyas Sean sa Sitio Bamboo, Barangay Basak ning siyudad.
Sila si alyas Melo ug alyas Sean pulos nagpuyo sa sa Sitio Ubca 3, Barangay Quiot, Cebu City. Nakuhaan ang mga suspetsado og 210 gramos nga shabu nga mobalor og P1.4 million.
Kasong kalapasan sa Section 5 ug 11, Article II sa Republic Act 9165 ang mga suspetsado. (BANAT NEWS)
- Latest
