Ika-63 nga Charter Day sa siyudad sa Lapu-Lapu gisaulog
CEBU, Philippines — Gisaulog sa kagamhanan sa siyudad sa Lapu-Lapu ang ika-63 nga Charter Day Anniversary sa Hunyo 17, 2024 nga gitapokan usab sa mga Oponganon.
Si Lapu-Lapu City Mayor Junard “Ahong” Chan sa iyang mensahe mihandum sa katakus sa descendants sa great chieftain, Datu Lapulapu, nga milampos sa mga dakung hagit nga usa sa nakapa umol sa progresibo nga siyudad.
Gihimug-atan sa mayor ang higayon dihang gipirmahan ni President Carlos P. Garcia ang City Charter, 63 ka tuig na ang nilabay nga maoy hinungdan sa pagtubo ug paglambo sa dakbayan.
"We altered our lives, tested our humanity and redefined our socio-political landscape," suma pa ni Mayor Chan.
Lakip sa gihisgutan nga mga development mao ang pagbukas sa airport, nga usa sa hinungdan sa dugang paglambo apil na ang pagbukas sa first Sergio Osmeña bridge niadtong 1973, ang declaration sa Mactan Shrine isip national shrine sa maong tuig ingon man ang pagkatukod sa Mactan Export Processing Zone niadtong 1979.
Gidugang ni mayor Chan nga tungod usab sa giya sa kahitas-an ug sa pagtabang sa mga Oponganons padayon sila nga moabatante alang sa dugang pag-uswag ug sa paghimo sa siyudad sa Lapu-Lapu nga competitive ug world-class.
“As the mayor of Lapu-Lapu City, I commit myself to continuing the change we have effected and sustaining the momentum of progress we have started,” segun pa ni Chan. (BANAT NEWS)
- Latest
