Cebu, Jeju sa SoKor, nipirma og MOU
CEBU, Philippines — Aron mapalambo ang koordinasyon pag-abot sa turismo, agrikultura, ekonomiya ug uban pa, usa ka memorandum of understanding o kasabotan ang gipirmahan sa mga opisyal tali sa Probinsiya sa Sugbo ug sa Jeju Island sa South Korea.
Si Gobernador ug Gwendolyn Garcia ug Jeju Province Gov. Oh Young-Hun nagpinirmahanay sa maong kasabotan niadtong Hunyo 14 didto sa Capitol Social Hall.
Pinaagi niini, ang duha ka probinsiya magbinayloay og mga ideya pag-abot sa turismo lakip na ang pagduso og direct flight padulong ug gikan sa Sugbo ug Jeju.
We will begin our cooperation starting with tourism, including the establishment of direct flights; but in the long term, we need to expand the cooperation through exchange of our younger generations,matod ni Oh Young-Hun atol sa iyang mensahe sa maong kalihokan.
Kun madayon na ang direktang flight sa eroplano padulong Jeju Island gikan Sugbo ug vice versa, makadugang kini sa mga routa gikan sa nasud sa South Korea padulong Sugbo ug ingon man Sugbo padulong sa lain-laing probinsiya sa maong nasud.
Ang mga Koreano maoy usa sa mga nag-una sa pinakadaghan nga turista sa Sugbo.
More than being island provinces, more than being prime tourist destinations for each of our countries, more than the beauty of each of our islands and our love for lechon and Samgyeopsal, what we really share in common is the true grit, character, and spirit of each of our constituencies, matud ni Garcia. (CEBU NEWS)
- Latest
