Mga bank manager sa Talisay gitigom sa kapolisan

CEBU, Philippines — Gitigom sa kapolisan sa Dakbayan sa Talisay ang mga bank manager sa siyudad tumong niini nga mabisita ang ilang gipatuman nga paghatag og seguridad sa ilang mga establisamento.

Si Police Lieutenant Colonel Epraem Paguyod, hepe sa kapolisan nipaambit sa kaalam aron malikay sa daotang elemento nga adunay tinguha sa pagpamiktima.

Ilang gisabotan ang pagpalambo sa ilang paspas nga komunikasyon sa mga financial institutions.

Gipakita usab ni Paguyod ang paggamit nila sa GPS Alarm System nga maoy mo alerto sa kapolisan kong adunay dili maayong panghitabo.

Usa sa mga gipatuman sa kapolisan aron dili makaporma ang tulisan, mangingilad o mga kriminal ang ilang pagpahigayon sa bank hopping, police visibility, checkpoints ug mga operasyon batok sa mga kriminal.

Kanunay nga makita ang kapolisan diha sa kadalanan sa siyudad o sa lugar nga tapokanan sa mga tawo. (BANAT NEWS)