Mga kawani sa brgy Biasong negatibo sa paggamit og illegal drugs
CEBU, Philippines — Pulos negatibo sa pag gamit og ilegal nga drugas ang mga opisyales ug kawani sa Barangay Biasong, Dakbayan sa Talisay.
Kini human sa gipahigayon nga surprise drug test niadtong miaging adlaw.
Si kapitan Reynaldo Bas sa Biasong nipatawag og tigom sa iyang mga kaubanan dayon gilahos ang boluntaryo nga drug test.
Sud sa 23 ka mga empleyado pulos sila nagnegatibo sa pag gamit sa illegal nga drugas.
Gidayeg ni Police Lt. Col. Epream Paguyod, hepe sa kapolisan ang mga opisyales sa Biasong kay kini usa ka paagi nga nagpakita nga tarong ang mga tawo nga lider sa barangay.
Nasayran ang Biasong maoy labing ulahi nga gideklarar nga drug cleared barangay sa Talisay.
Giawhag ni Paguyod ang uban nga barangay nga mohimo sab og kalihukan sama sa gihimo sa Barangay Biasong. (BANAT NEWS)
- Latest
