270 kilong pinabuthang isda gisakmit sa DVMF
CEBU, Philippines — Moabot 270 kilo nga giingong pinabuthan nga isda ang gisakmit sa mga tinugyanan sa Cebu City Department of Veterinary Medicine and Fisheries kagahapon Martes sa buntag.
Si Dr. Alice Utlang ang pangulo sa DVMF ug kasamtangan nga city veterinarian nipahigayon og market denial operation gikan sa alas -2 ngadto sa alas -4 sa kaadlawon uban sa mga tinugyanan sa BFAR-7 ug kapulisan.
Sumala pa ni Utlang, ang market denial operation gipahigayon sa South Road Properties ug Pasil Holding area ug didto nasakmit ang dul-an sa P60 mil nga balor sa pinabuthan sa isda.
Si Utlang, nipadayag nga angayan nga hunongon ang pagkuha sa mga isda pinaagi sa pagpabuto o dinamita kay makadaut kini sa mga puy-anan sa isda ug daghan usab mga guba nga mga corals.
Nipahimangno si Utlang, ngadto sa mga nanguha og namaligya og mga isda gikan sa ilegal nga pamaagi nga sila sikupon ug pamultahon ubos sa RA 10654 o The Philippine Fisheries Code of 1998.
Mapasalamaton si Utlang sa mga nagpaluyo alang sa malampuson nga operations. – IBM BANAT NEWS
- Latest
