Talisay napiling Most Organized Conduct of 4Ps

CEBU, Philippines — Giila ang Dakbayan sa Talisay nga maoy maayo nga nipatuman sa programa nga 4Ps (Pantawid Pamilyang Pilipino Program).

Si Mayor Gerald Anthony “Samsam” Gullas, Jr.,  Konsehal Rocky Bas, Coleen Enajada ug si Lowella Vestil mga tinugyanan sa City Social Welfare and Development (CSWD) maoy nidawat sa pasidungog. Gihimo nila ang Local Chief Executive (LCE) consultation dialogue diha sa usa ka hotel sa Siyudad sa Mandaue. Ang Dakbayan sa Talisay naila nga local government unit (LGU) nga Most Organized Conduct of 4Ps.

Ang siyudad maoy LGU nga Highest Compliance Rate of 4Ps Households sa health program condition niadtong tuig 2023 ug adunay valuable nga kontribusyon sa pagpatuman sa Pantawid Pamilyang Pilipino Program.

Nagpasalamat si Gullas sa gipakita nga trabaho sa mga kawani ilabi na sa CSWDO nga naabot ngadto sa katawhan ang tabang. Dugang ni Gulla nga padayon siya nga mohimo sa pag-abag sa mga kalihokan sa maong buhatan. (BANAT NEWS)