Duha ka durugista sikop sa kapolisan sa Talisay
CEBU, Philippines — Nikabat ngadto sa P1.7 milyon ang kantidad sa shabu nga nasakmit sa kapolisan sa Dakbayan sa Talisay gikan sa duha ka durugista diha sa Purok Mangga, Barangay Campo 4 niadtong Biyernes sa gabii.
Ang subject sa operasyon mao si alyas “Eboy”, 54-anyos, taga Barangay Calamba, Siyudad sa Sugbo.
Samtang ang iyang kauban mao si alyas “Mo”, 39-anyos, dental technician, taga Lower Linao, Lungsod sa Minglanilla.
Si Police Lieutenant Colonel Epream Paguyod, hepe sa kapolisan sa Dakbayan sa Talisay nibutyag nga gisundan na sa Drug Enforcement Unit (DEU) ang ilegal nga kalihokan sa suspetsado.
Ang kapolisan sa siyudad nipahigayon kini og buy-bust operation batok sa suspetsado.
Atol sa operasyon nasakmit sa kapolisan gikan sa suspetsado ang 250 ka gramong shabu nga nibalor ngasto sa P1,700,000 ug usa ka kalibre.38 nga revolver.
Ang suspetsadao natingkagol karon sa detention cell sa kapolisan sa Talisay. — /BDB (BANAT NEWS)
- Latest
