DSWD-7 nipadala na og hinabang sa mga taga Kanlaon
CEBU, Philippines — Nakasugod na pagpadala og mga hinabang ang Department of Social Welfare and Development Central Visayas sa mga aepktado sa pagbuto sa bulkang Kanlaon.
Ang DSWD Field Office 7 pinaagi sa Disaster Response Management and Warehouse Team sa Negros Oriental ug Visayas Disaster Resource Center sa Mandaue City nagpreparar na og hinabang nga ipadala ngadto sa Canlaon City.
Moabot 44,990 family food packs ang nakapundo sa mga bodega sa DSWD warehouses sa tibuok rehiyon region, dili mominos 7 mil niini ang naa sa Negros Oriental.
Si DSWD Secretary Rex Gatchalian, nibutyag nga apil sa ayudang ihatag pagkaon ug na-unang galamiton, technical assistance for camp coordination, camp management ug protection para sa mga apektado.
Ang mga apektado nga lugar sa pagbuto sa bulkan mao ang Pula, Masulog, Linothangan, Malaiba ug Lumapao.
Si Mayor Jose Chubasco Cardenasa, mipagaws og mga executive order nga nagsuspenso sa trabaho sa mga pampublikong ug pribado nga mga buhatan tungod niini.
Gisuspenso sab ang mga non-essential business establishments sud sa upat ka kilometro palibot gikan sa baba sa bulkan apil niini ang mga tourism sites samtang pugsanong gipabakwit ang mga molupyo sud sa tulo ka kilometro gikan sapa.
Ang buhatan sa panglawas nimando usab nga sundon ang mga local nga tambag, protektahan ang baga, mata, pagkaon ug ang seguridad sa tubig. (BANAT NEWS)
- Latest
