50 ka bombero negatibo atol sa drug test
CEBU, Philippines — Tanan 50 ka mga personnel sa Bureau of Fire Protection sa Dakbayan sa Lapu-Lapu ang negatibo sa gipahigayon nga drug test kanila sa City of Lapu-lapu Office for Substance Abuse Prevention kon Closap niadtong nakalabay hya Huwebes.
Sumala pa ni Garry Lao, ang Executive Director sa CLOSAP, ang pagpahigayon sa drug test base sa request nga gipadangat sa City Fire Marshal Fire Superintendent Tito Purgatorio.
Ang CLOSAP nakig-alayon sa accredited testing center sa pagkolekta sa mga ihi sa BFP personnel. Tinguha sa Fire Marshal nga mamentinar nga drug free workplace ang ilang buhatan.
Samtang gipahibalo usab ni Lao nga 63 ka mga officials ug empleyado sa Barangay Talima sa Olango Island ang negatibo sab sa ilegal nga pagamit sa ginadili nga drugas atol sa drug test nga gipahigayon kanila. (BANAT NEWS)
- Latest
