Kapitolyo niabang og mga generator alang sa Malapascua
CEBU, Philippines — Nataod na sa Isla sa Malapascua, Lungsod sa Daanbantayan ang upat ka generator sets nga maoy modugang sa suplay sa kurente sa maong isla tungod kay nakasinati kini og kanunay nga brownout sulod na sa pipila ka bulan.
Si Gobernadora Gwendolyn Garcia ang nisusi sa maong mga generator sets nga aduany 500 KVA matag usa didto sa Barangay Logon, Malapascua Island kagahapon.
“I said I have to come in, section 16 (sa local government code) empowers us the local government to come in when the general welfare of the people is already at stake,” matud ni Garcia.
Nasayran nga ang peak demand sa kuryente sa Malapascua niabot sa 1.3 megawatt.
Ang maong mga generator giabangan sa Probinsiya sa Sugbo gikan sa usa ka pribadong kompaniya aron makaabag kini og duha ka megawatts nga kuryente sa isla.
Nasayran nga ang mga resorts owner, magpapatigayon ug mga residente sa lugar nityabaw na sa kanunay nga rational brownout nga ilang nasinati sukad niadtong Semana Santa human ang usa sa upat ka generator sets sa Power Source Philippines Inc. (PSPI) ang naguba nga maoy hinungdan nga dili na masuplay ang demand sa kuryente sa isla.
Ang PSPI maoy power distributor sa maong isla.
It has affected your business, your livelihoods, the tourism industry. We cannot allow that to happen” dugang ni Garcia sa mga residente sa isla atol sa iyang pagbisita kagahapon. — /BDB (BANAT NEWS)
- Latest
